മലയാളം: പല്ലുവേദന ചെടി (Acmella oleracea, family Asteraceae) നിലത്ത് പടർന്ന് വളരുന്ന ഈ സസ്യത്തിന്റെ പൂവ് ഔഷധ ഗുണമുള്ളതാണ്. മഞ്ഞ നിറമുള്ള, ഒരു കമ്മൽ പോലെയുള്ള ഈ പൂവ് വായിലിട്ട് ചവച്ചാൽ ഗ്രാമ്പുവിന്റെ രുചിയാണ്. പല്ല് വേദനയുള്ളപ്പോൾ ഈ പൂവിലൊന്ന് പറിച്ചെടുത്ത് വേദനയുള്ള ഭാഗത്ത് കടിച്ചുപിടിച്ചാൽ ധാരാളം ഉമിനീർ വരികയും ഒപ്പം വേദന മാറുകയും ചെയ്യും. പൂവിന്റെ ഔഷധപ്രാധാന്യം മനസ്സിലാക്കിയ നാട്ടിൻപുറത്തുകാർ ചെടി നശിക്കാതെ സംരക്ഷിക്കാറുണ്ട്.