imported>Almighty34: KanagsBOTஆல் செய்யப்பட்ட கடைசித் தொகுப்புக்கு முன்நிலையாக்கப்பட்டது

2024-02-01T02:20:00Z

KanagsBOTஆல் செய்யப்பட்ட கடைசித் தொகுப்புக்கு முன்நிலையாக்கப்பட்டது

புதிய பக்கம்

[[படிமம்:Graphen.jpg|thumb|240px|கிராபீனின் தேன்கூட்டையொத்த அணிக்கோவை]]

'''கிராபீன்''' (''Graphene'') என்பது [[கரிமம்|கரி]] அல்லது கார்பனின் புறவேற்றுமை வடிவங்களுள் ஒன்று. மற்றொன்று [[வைரம்]]. இது வலைப்பின்னல் போன்ற, அறுபக்க வடிவில் பிணைக்கப்பட்டுள்ள கரிம அணுக்களாலான, மெல்லிய தாளையொத்த பொருள். இதுவே முதலில் உருவாக்கப்பட்ட இரு-பரிமாணப் பொருள் எனலாம்.<ref name="ஃபைசார்கு.காம்">[http://www.physorg.com/news205575481.html ஃபைசார்கு.காம்]</ref> கிராபீனின் தடிமன் ஒரு-அணு அளவையொத்தது. இதிலுள்ள [[கரிமம்|கரிம]] அணுக்கள் sp2 இணைப்பில் உருவானவை; இதன் வேதிச் சமன்பாடு C62H20.<ref>{{Cite web |url=http://www.wordiq.com/definition/Graphene |title=வேர்டைக்யூ.காம் |access-date=2010-10-06 |archive-date=2010-08-17 |archive-url=https://web.archive.org/web/20100817075652/http://www.wordiq.com/definition/Graphene |url-status=dead }}</ref>

== கண்டுபிடிப்பு ==
கிராபீன் [[ஆண்ட்ரே கேம்]], [[கான்ஸ்ட்டாண்டின் நோவாசெலோவ்]] ஆகியோரால் முதன்முதலில் கிராபைட்டிலிருந்து பிரித்தெடுக்கப்பட்டது; இச்செயலுக்காகவும் கிராபீனைப் பற்றிய இயற்பியலை விளக்கியதற்காகவும் இவர்களிருவருக்கும் [[இயற்பியல் நோபல் பரிசு]] [[2010]]-ஆம் ஆண்டு வழங்கப்பட்டது.

=== பென்சில் கரியிலிருந்து கிராபீன் ===
கேமும் நோவாசெலோவும் [[பென்சில் கரி]]யின் மேல் தெரியொட்டு நாடாவை (sellotape) மீண்டும் மீண்டும் ஒற்றி எடுப்பதன் மூலம் கிராபைட்டை செதில் செதிலாக்கினர்; ஆனால், அதன் தடிமன் அதிகமாகவே இருந்ததால், அச்செதில்களை ஆக்சிசனேற்றப்பட்ட சிலிக்கான் தளத்தின் மேல் வைத்து மீண்டும் ஒற்று வேலையைச் செய்ததன் மூலம் இறுதியில் கிராபீனைப் பிரித்தெடுத்தனர்.<ref name="நோபல்பரிசு.ஆர்க்">{{Cite web |url=http://static.nobelprize.org/nobel_prizes/physics/laureates/2010/info_publ_phy_10_en.pdf |title=நோபல்பரிசு.ஆர்க் |access-date=2010-10-08 |archive-date=2010-10-10 |archive-url=https://web.archive.org/web/20101010145218/http://static.nobelprize.org/nobel_prizes/physics/laureates/2010/info_publ_phy_10_en.pdf |url-status=dead }}</ref>

== கிராபீனின் சில வியத்தகு சிறப்பியல்புகள் ==
* உலகிலேயே மிகவும் மெல்லிய பொருளான கிராபீன், உலகிலேயே மிகவும் உறுதியான பொருளும் கூட! (எஃகை விட இது 100 மடங்கு உறுதியானது) <ref name="ஃபைசார்கு.காம்"/>
* ஒரு மில்லிமீட்டர் தடிமனுள்ள கிராபைட்டில் மூன்று [[மில்லியன்]] கிராபீன் அடுக்குகளை வைக்க முடியும்; அவ்வளவு மெலிதான பொருள் இது.<ref name="நோபல்பரிசு.ஆர்க்"/>
* இது தாமிரத்தையொத்த மின்கடத்துத் தன்மை கொண்டது; இதன் வழியாகப் பாயும் மின்னோட்டம் மிகச்சிறியளவு ஆற்றலையே இழப்பதாலும் கட்டமைப்பதற்கு எளியதாக இது இருப்பதாலும் தொகுப்புச் சுற்றுகள் உருவாக்குவதில் எதிர்காலத்தில் கிராபீன் பெருமளவு பங்களிக்கக் கூடும்.
* கிராபீனைக் கொண்டு சுழிப்பரிமாணப் பொருளான ஃபுல்லரீன், ஒரு-பரிமாணப் பொருளான கரிம நேனோகுழாய், முப்பரிமாணப் பொருளான கிராபைட் ஆகியவற்றை உருவாக்க இயலும்.
* ஏறக்குறைய முழுமையான ஒளி-ஊடுருவுந் தன்மையுடன் இருந்தாலும், இது மிகுந்த அடர்த்தி கொண்டுள்ளதால், மிகச்சிறிய அணுவான ஒரு ஈலியம் அணு கூட இதனுள் ஊடுருவ முடியாது.

=== தனிச்சிறப்புடைய மின்கடத்துத் தன்மை ===
கிராபீனின் தனிச்சிறப்பு வாய்ந்த மின்கடத்துத் தன்மை இரு விதங்களில் ஆராயப்படுகிறது:

* இதிலுள்ள கார்பன் அணுக்கள் மிகவும் நேர்த்தியுடன் [[அணிக்கோவை]]யில் அமைக்கப் பெற்றுள்ளதால், இதனூடே செல்லும் [[எலக்ட்ரான்|இலத்திரன்]]களால் எந்தவிதத் தொந்தரவுமின்றி (மோதல்கள் ஏற்படாமல்) நீண்ட தொலைவு செல்ல முடியும்; இயல்பான கடத்திகளில் பாயும் எலக்ட்ரான்கள் பல மோதல்களுக்கு உட்படுவதால் கடத்தியின் செயல்பாடு மந்தப்படுகின்றது.
* இதில் பாயும் எலக்ட்ரான்கள் ஒளித்துகளான போட்டானைப் போன்று செயல்படுகின்றன; அதாவது, கிட்டத்தட்ட நிறையற்ற துகளைப் போல. இதனால், மிகப்பெரிய துகள் முடுக்கிகள் பெரும் ஆற்றலைச் செலவிட்டு செய்யக்கூடிய வேலையை கிராபீனால் மிக எளிதில் செய்ய முடியலாம்.<ref name="நோபல்பரிசு.ஆர்க்"/>

== மேலும் காண்க ==
* கிராபீனை உருவாக்கலாம் வாருங்கள்! ( சயண்ட்டிபிக் அமெரிக்கன் [http://www.scientificamerican.com/slideshow.cfm?id=diy-graphene-how-to-make-carbon-layers-with-sticky-tape] )

== மேற்கோள்கள் ==
<references/>

{{புறவெளியில் கண்டறியப்பட்ட மூலக்கூறுகள்}}

[[பகுப்பு:கரிமம்]]
[[பகுப்பு:அரோமாட்டிக் சேர்மங்கள்]]
[[பகுப்பு:குறைக்கடத்திப் பொருட்கள்]]
[[பகுப்பு:மீக்கடினப் பொருட்கள்]]
[[பகுப்பு:21-ஆம் நூற்றாண்டுக் கண்டுபிடிப்புகள்]]

கிராபீன் - திருத்த வரலாறு

imported>Almighty34: KanagsBOTஆல் செய்யப்பட்ட கடைசித் தொகுப்புக்கு முன்நிலையாக்கப்பட்டது