imported>S. ArunachalamBot: /* top */clean up --இலத்தீன் using AWB

2023-08-06T06:13:33Z

top: clean up --இலத்தீன் using AWB

புதிய பக்கம்

[[Image:Right angle.svg|thumb|134px|ஒரு செங்கோணம் என்பது 90° ஆகும்.]]
[[Image:Perpendicular-coloured.svg|right|thumb|கோடு CD -உடன் செங்கோணங்களை உண்டாக்குமாறு வரையப்பட்ட [[கோட்டுத்துண்டு]] AB]]
[[வடிவவியல்|வடிவவியலில்]] '''செங்கோணம்''' (''right angle'') என்பது ஒரே [[கோடு|நேர்கோட்டின்]] இரண்டு அரைப்பகுதிகளால் உண்டாகும் [[கோணம்|கோணத்தை]] [[இருசமக்கூறிடல்#கோண இருசமவெட்டி|இருசமக்கூறிடும்]] கோணமாகும். ஒரு நேர்கோட்டின் மீது முனைப்[[புள்ளி]] அமையுமாறு ஒரு [[கதிர் (வடிவவியல்)|கதிர்]] வரையப்படுகிறது என்க. அக்கதிர், மற்றும் அந்த கோடு இவற்றுக்கிடையே உண்டாகும் இரு அடுத்துள்ள கோணங்கள் சமமாக இருந்தால் அவ்விரண்டு கோணங்களும் செங்கோணங்களாக இருக்கும்.<ref>Wentworth p. 8</ref> சுழற்சியின் வாயிலாகக் கூறுவதென்றால் செங்கோணம் ஒரு முழு சுழற்சியில் கால் பகுதியாகும்.<ref>Wentworth p. 11</ref>

செங்கோணத்துடன் தொடர்புடைய முக்கிய வடிவவியல் கருத்துருக்கள் செங்குத்துக் கோடுகளும் செங்குத்துத் தன்மையுமாகும். செங்குத்துக் கோடுகள் ஒன்றையொன்று வெட்டிக்கொள்ளும் புள்ளியில் உண்டாகும் கோணங்கள் செங்கோணங்களாக இருக்கும். ஒரு [[முக்கோணம்|முக்கோணத்தின்]] ஒரு கோணம் செங்கோணமாக இருந்தால் அம்முக்கோணம் [[செங்கோண முக்கோணம்]] என அழைக்கப்படுகிறது.<ref name="Wentworth p. 40">Wentworth p. 40</ref> [[முக்கோணவியல்|முக்கோணவியலுக்கு]] அடிப்படையாக அமைவது செங்கோண முக்கோணங்களாகும்.<ref name="Wentworth p. 40"/>

செங்கோணத்தைக் குறிக்கும் [[ஆங்கிலம்|ஆங்கிலச்]] சொல் ''right angle'' என்பது ''angulus rectus'' என்ற [[இலத்தீன்]] மொழிச் சொல்லின் நேரான மொழிபெயர்ப்பாகும்; இதிலுள்ள ''rectus'' - ''செங்குத்தான'' என்பதைக் குறிக்கும்.

== குறியீடு ==
[[Image:Rtriangle.svg|thumb|left|செங்கோண முக்கோணத்தில் செங்கோணம் ஒரு சிறிய சதுரத்தின் மூலம் காட்டப்பட்டுள்ளது.]]
[[File:Triangle 30-60-90 rotated.png|thumb|right|செங்கோணத்தைக் குறிக்கும் மாற்று முறை. கோண வளைவுக்குள் ஒரு சிறு புள்ளியுடன்.]]

படங்களில் வழக்கமாக செங்கோணத்தைக் குறிப்பதற்கு அச்செங்கோணத்துடன் சேர்த்து ஒரு சிறு [[சதுரம்]] ஏற்படும்படி மற்றொரு சிறு செங்கோணம் வரையப்படுகிறது. மாறாக சில சமயங்களில் செங்கோணம் வளைவு கோணத்துக்குள் ஒரு சிறு புள்ளியுடன் குறிக்கப்படுகிறது.

== யூக்ளிட் ==
செங்கோணங்கள், ''யூக்ளிடின் எலிமெண்ட்சில்'' அடிப்படைக் கருத்தாக உள்ளன. ''புத்தகம் 1, வரையறை 10'' செங்குத்துக் கோடுகளை [[வரையறை|வரையறுக்கிறது]]. [[யூக்ளிட்]], ''வரையறை 11 மற்றும் 12-ல்'' செங்கோணத்தைப் பயன்படுத்தி, குறுங்கோணங்களை வரையறுக்கும்போது செங்கோணத்தை விட அளவில் சிறிய கோணங்கள் குறுங்கோணங்கள் என்றும் செங்கோணத்தைவிட அளவில் பெரியவை விரிகோணங்கள் என்றும் வரையறுத்துள்ளார்.<ref>Heath p. 181</ref> இரு கோணங்களின் கூடுதல் செங்கோணம் என்றால் அவை [[நிரப்புக் கோணங்கள்]] எனப்படும்.<ref>Wentworth p. 9</ref>

''புத்தகம் 1 எடுகோள் 4'' -ன்படி, அனைத்து செங்கோணங்களும் சமம். செங்கோணத்தை அலகாகப் பயன்படுத்தி மற்ற கோணங்களை அளப்பதற்கு யூக்ளிட் இதைப் பயன்படுத்தினார்.<ref>Heath pp. 200-201 for the paragraph</ref>

== அலகுகள் ==
செங்கோணத்தைப் பின்வரும் அலகுகளில் எழுதலாம்:
*1/4 திருப்பம்.
*90° ([[பாகை (அலகு)|பாகை]])
*π/2 [[ரேடியன்]]
*100 கிரேட்
*8 புள்ளிகள் (of a 32-புள்ளிகளுடைய திசை அளவிட்ட வட்டத்தில்)
*6 மணி (வானவியல் மணிக்கோணம் (hour angle))

== 3-4-5 வழிமுறை==
{{main|3-4-5 வழிமுறை}}
பழங்காலத்திலிருந்தே மரம் மற்றும் கட்டிடத் தொழிலாளர்கள் ஒரு கோணம் உண்மையிலேயே செங்கோணமாக உள்ளதா என்பதைக் கண்டறிய ஒரு எளிய முறையைக் கண்டறிந்திருந்தனர். அந்த முறை, புகழ்பெற்ற ''பித்தோகரசின் மும்மை'' (3, 4, 5) -ஐச் சார்ந்திருந்தமையால் [[3-4-5 வழிமுறை]] எனப்பட்டது. சரிபார்க்கப்பட வேண்டிய கோணத்தின் ஒரு பக்கத்தில் 3 அலகு நீளமுள்ள நேர்கோட்டுத்துண்டும் மறுபக்கத்தில் 4 அலகு நீளமுள்ள நேர்கோட்டுத்துண்டும் எடுத்துக்கொண்டு இவற்றின் மறுமுனைகளை இணைக்கும் கோட்டுத்துண்டின் [[நீளம்]] காண வேண்டும். எடுத்துக்கொண்ட கோணம் செங்கோணமாக இருந்தால், [[பித்தேகோரசு தேற்றம்|பித்தாகரசு தேற்றப்படி]], இக்கோட்டுத்துண்டின் நீளம் சரியாக 5 அலகாக இருக்கும். இம்முறையில் சரிபார்ப்பது எளிது. தொழில்நுட்பக் கருவிகள் எதுவும் இல்லாமலே அளந்து விடமுடியும்.

== தேலேசுத் தேற்றம்==
{{main|தேலேசுத் தேற்றம்}}
[[Image:Thales' Theorem Simple.svg|thumb|right|200px|தேலேசுத் தேற்றம்: ''AC'' விட்டமெனில் B-ல் அமையும் கோணம் செங்கோணம்]]

[[தேலேசுத் தேற்றம்|தேலேசுத் தேற்றத்தின்படி]] ஒரு [[வட்டம்|அரைவட்டத்துள்]] அமையும் கோணம் செங்கோணமாகும்.

== மேற்கோள்கள் ==
{{reflist}}
*{{cite book |title=A Text-Book of Geometry|first=G.A.|last=Wentworth
|publisher=Ginn & Co.|year=1895|
url=http://books.google.com/books?id=CyUAAAAAYAAJ#v=onepage&q&f=false}}
*Euclid, commentary and trans. by [[T. L. Heath]] ''Elements'' Vol. 1 (1908 Cambridge) [http://books.google.com/books?id=UhgPAAAAIAAJ Google Books]

[[பகுப்பு:முக்கோணவியல்]]
[[பகுப்பு:கோணங்கள்]]

[[ca:Angle#Angles notables]]

செங்கோணம் - திருத்த வரலாறு

imported>S. ArunachalamBot: /* top */clean up --இலத்தீன் using AWB