imported>Balajijagadesh: மேற்கோள்

2025-01-21T07:44:19Z

மேற்கோள்

புதிய பக்கம்

'''பித்தளை''' ({{lang-en|Brass}}) என்பது [[செப்பு]], [[துத்தநாகம்]] ஆகிய உலோகங்கள் சேர்ந்த ஒரு [[கலப்புலோகம்]].
[[File:Brass.jpg|thumb|பித்தளையால் ஆன ஓர் தாயக்கட்டையுடன் அருகில் செப்பு மற்றும் துத்தநாகம்]]

வேலை செய்வதற்கு எளிதாகவும், கடுமையானதாகவும் இருப்பதால் பித்தளை ஒரு சிறந்த உற்பத்திக்குரிய பொருளாக இருக்கிறது. [[அல்பா பித்தளை]] எனப்படும் 40% க்குக் குறைவான துத்தநாகத்தைக் கொண்டுள்ள பித்தளை இளக்கத்தன்மை (malleable) காரணமாகக் குளிர் நிலையிலேயே வேலை செய்யக்கூடியதாக உள்ளது. கூடுதலான அளவு துத்தநாகத்தைக் கொண்ட பீட்டா பித்தளையைச் சூடாக்கி மட்டுமே வேலை செய்ய முடியும் எனினும் அது கடுமையானதும், உறுதியானதும் ஆகும். 45% க்கும் மேலான அளவு துத்தநாகத்தைக் கொண்ட [[வெண்பித்தளை]] இலகுவில் நொருங்கக் கூடியது என்பதால் பொதுவான பயன்பாட்டுக்கு உதவாது. அவற்றின் இயல்புகளை மேம்படுத்துவதற்காக சிலவகைப் பித்தளைகளில் வேறு உலோகங்களும் சேர்க்கப்படுவது உண்டு.

பித்தளை ஓரளவுக்குத் [[தங்கம்|தங்கத்தை]] ஒத்த மஞ்சள் [[நிறம்]] உடையது. இதன் காரணமாகப் பல்வேறு அலங்காரத் தேவைகளுக்கு இவ்வுலோகத்தைப் பயன்படுத்துகிறார்கள். இளக்கத்தன்மை மற்றும் அதன் ஒலியியல் இயல்புகள் காரணமாகப் பித்தளை பல்வேறு [[இசைக்கருவி|இசைக்கருவிகள்]] செய்வதற்கும் பயன் படுகின்றது. [[இந்தியா|இந்தியாவிலும்]] பாத்திரங்கள், [[குத்து விளக்கு|விளக்குகள்]], மற்றும் பல வீட்டுப் பயன்பாட்டுப் பொருட்கள் உட்பட ஏராளமான பொருட்கள் பித்தளையில் செய்யப்படுகின்றன.

வரலாற்றுக்கு முற்பட்ட காலத்திலேயே பித்தளையை [[மனிதன்]] அறிந்திருந்தான். உண்மையில் துத்தநாகம் பற்றி அறிவதற்கு முன்னமே பித்தளை பற்றிய அறிவு மனிதனுக்கு இருந்தது. செப்பையும், [[கலமைன்]] எனப்படும் துத்தநாகத்தின் [[தாதுப் பொருள்|தாதுப்பொருளையும்]] சேர்த்து உருக்கிப் பித்தளை செய்யப்பட்டது.

தீப்பொறிகள் ஏற்படக்கூடாத சூழ்நிலைகளில், குறிப்பாக எரியக்கூடிய அல்லது வெடிக்கக்கூடிய பொருட்களுக்கு அருகில் பயன்படுத்தப்படும் கருவிகளில் பித்தளை அடிக்கடி பயன்படுத்தப்படுகிறது.<ref>{{cite web | url=https://www.ccohs.ca/oshanswers/safety_haz/hand_tools/nonsparking.html | title=Hand Tools – Non-sparking tools | website=Canadian Center for Occupational Health and Safety | date=2017-12-01 | access-date=2022-04-30 }}</ref>

== இவற்றையும் பார்க்கவும் ==
* [[கலப்புலோகங்களின் பட்டியல்]]
* [[உலோகவியல்]]

== மேற்கோள்கள் ==
{{சான்று}}

[[பகுப்பு:செப்புக் கலப்புலோகங்கள்]]
[[பகுப்பு:துத்தநாகக் கலப்புலோகங்கள்]]
[[பகுப்பு:உலோகவியல்]]
[[பகுப்பு:பித்தளை| ]]

பித்தளை - திருத்த வரலாறு

imported>Balajijagadesh: மேற்கோள்