imported>InternetArchiveBot: Rescuing 0 sources and tagging 2 as dead.) #IABot (v2.0.9.2

2022-10-25T19:08:06Z

Rescuing 0 sources and tagging 2 as dead.) #IABot (v2.0.9.2

புதிய பக்கம்

'''முதுசொம்''' என்பது, பொதுவாக முந்திய [[தலைமுறை]]யிலிருந்து கிடைக்கும் சொத்தைக் குறிக்கிறது. [[சென்னைப் பல்கலைக்கழகத் தமிழ் அகராதி]], முதுசொம் என்பதற்கு ''முதுபொருள்'', ''பூர்வீகச் சொத்து'' எனப் பொருள் தருகிறது.<ref>[http://dsalsrv02.uchicago.edu/cgi-bin/philologic/showrest_?conc.6.1.17724.0.1.tamillex சென்னைப் பல்கலைக்கழகத் தமிழ் அகராதியில் ''முதுசொம்'', ''முதிசம்'' என்பவற்றுக்கான பதிவு]{{Dead link|date=அக்டோபர் 2022 |bot=InternetArchiveBot }}</ref> ஒருவர் தான் உழைத்துச் சேர்க்கும் சொத்திலிருந்து இது வேறுபடுகிறது. இதை ''முதிசம்'', ''முதுசம்'' என்றும் சொல்வது உண்டு.

==சொற்பிறப்பு==
"முதுசொம்" என்னும் சொல், ''முதுமை'', ''சொம்'' என்னும் இரு சொற்களால் ஆனது. ''முதுமை'' என்பது இங்கே ''முந்திய'', ''பழைய'' போன்ற பொருள்களைத் தருவது. ''சொம்'' என்பதற்கு ''சொத்து'',<ref>[http://dsalsrv02.uchicago.edu/cgi-bin/philologic/getobject.pl?c.5:1:4351.tamillex சென்னைப் பல்கலைக்கழகத் தமிழ் அகராதியில் ''சொம்'' என்பதற்கான பதிவு]{{Dead link|date=அக்டோபர் 2022 |bot=InternetArchiveBot }}</ref> ''உரிமை'' போன்ற பொருள்கள் உள்ளன. இவ்விரு சொற்களும் சேர்ந்து பழைய தலைமுறையிடம் இருந்து வாரிசு உரிமையாகக் கிடைக்கும் சொத்தைக் குறித்தது.

==முதுசொமும் தேசவழமையும்==
இலங்கையின் வட பகுதியின் மரபுவழிச் சட்டமான [[தேசவழமைச் சட்டம்|தேசவழமை]], திருமணத்தின்போது கணவன் கொண்டுவருகின்ற சொத்தையே ''முதுசொம்'' என வரையறை செய்கிறது.<ref>பத்மநாதன், சி., ''இலங்கைத் தமிழர் தேச வழமைகளும் சமூக வழமைகளும்'', குமரன் புத்தக இல்லம், கொழும்பு, 2002. பக். 85.</ref> திருமணத்தின்போது மனைவி கொண்டு வருகின்ற சொத்துக்களை ''சீதனம்'' என்ற சொல்லால் குறிப்பிடுவது வழக்கம். ஆனால், தேசவழமையின்படி, கணவனுக்கோ, மனைவிக்கோ கிடைக்கும் பரம்பரைச் சொத்துக்கள் ''முதுசம்'' எனக் கொள்ளப்படுவதாக எச். டபிள்யூ. தம்பையா குறிப்பிடுகிறார்.<ref>Thambiah, H. W., ''The Laws and Customs of The Tamils of Jaffna'', Women's Education and Research Centre, Colombo, Fourth Print 2009. ப. 150.</ref> [[யாழ்ப்பாண திருமண வாழ்க்கை உரிமைகள் மற்றும் மரபு வாரிசுரிமைச் சட்டம்]],<ref>Jaffna Matrimonial Rights and Inheritance Ordinance.</ref> ''முதுசொம்'' குறித்து மேலும் விளக்கமாக வரையறை செய்கிறது. இதன்படி, ''முதுசொம்'' என்பது ஒருவர் தனது பெற்றோர் அல்லது அல்லது அவர்களுக்கு முந்திய நேரடிக் [[கால்வழி]]யைச் சேர்ந்தோரின் மரணத்தினால் வாரிசு உரிமையாகக் கிடைக்கும் சொத்தையே குறிக்கும். அவ்வாறல்லாத பிற உறவினரிடம் இருந்து வாரிசு உரிமையாகக் கிடைக்கும் சொத்துக்களை அச்சட்டம் ''உரிமை'' என்ற பெயரால் குறிப்பிடுகிறது.<ref>Thambiah, H. W., ''The Laws and Customs of The Tamils of Jaffna'', Women's Education and Research Centre, Colombo, Fourth Print 2009. ப. 156.</ref> மிகப் பழைய தேசவழமையின்படி, முதுசொச் சொத்துக்கள் ஆண் வாரிசுகளுக்கு மட்டுமே உரியவையாக இருந்தன. அதில் பெண் வாரிசுகளுக்கு உரிமை கிடையாது. எனினும் பிற்காலத்தில், பெண்களுக்குக் கொடுக்கவேண்டிய சீதனத்தின் அளவு அதிகரித்தபோது, முதுசொச் சொத்துக்களையும் பெண் பிள்ளைகளுக்கே கொடுக்க வேண்டிய நிலை உருவானது.

==குறிப்புகள்==
{{reflist}}

[[பகுப்பு:தமிழர் பொருளாதாரம்]]

முதுசொம் - திருத்த வரலாறு

imported>InternetArchiveBot: Rescuing 0 sources and tagging 2 as dead.) #IABot (v2.0.9.2