01:33, 13 நவம்பர் 2013 இல் imported>Sengai Podhuvan

2013-11-13T01:33:18Z

புதிய பக்கம்

[[File:Argali (PSF).png|thumb|வருடைமான், வரைவு-ஓவியம்]]
[[File:Huemul.jpg|thumb|வருடைமான்]]
வருடை, வருடைமான், என வழங்கப்பட்ட விலங்கினம் காடுகளில் தானே மேயும் [[மான்|மானினம்]] அல்லது [[ஆடு|ஆட்டினம்]].
===== வருடைமான் பற்றிய சங்கநூல் குறிப்புகள் =====
:வருடையின் கால் நகங்கள் நாயின் நகங்கள் போல இருக்கும். <ref>வரையாடு வருடைத் தோற்றம் போலக் கூர்உகிர் ஞமலி – பட்டினப்பாலை 139</ref> 
:வருடைக் குட்டி மலைப்பாறைகளின் மேல் ஏறி இறங்கி விளையாடும். <ref>இருள் தூங்கு இறுவரை ஊர்பு இழிபு ஆடும் வருடைமான் குழவி – கலித்தொகை 43-14</ref> 
:வருடை குத்துநிலைப் பாறைகளிலும் ஏறும் \செவ்வரைச் சேக்கை வருடைமான் மறி <ref>குறுந்தொகை 187</ref> 
:வருடை அச்சம் தரும் பாறை அடுக்கங்களில் பாய்ந்து சண்டையிட்டுக்கொண்டு விளையாடும். தலைவன் தந்த ஆடை அந்த அடுக்கங்களில் பறித்துவந்து தைக்கப்பட்டது.<ref> அவன்தலைப் போருடை வருடையும் பாயாச் சூருடை அடுக்கத்த கொயற்கு அருந்தழையே - நற்றிணை 359</ref> 
:வருடை தன் குடும்ப இனத்தை ஆட்டிவைக்கத் துள்ளி விளையாடும்போது பெரிய கலைமான்களும் சேர்ந்து விளையாடும் <ref>கருங்கலை கடும்பாட்டு வருடையொடு தாவன உகளும் - நற்றிணை 119</ref> 
:வருடையை அதன் குழவிப் பருவத்திலேயே பிடித்துவந்து மக்கள் வளர்ப்பது உண்டு. <ref>வழைவளர் சாரல் வருடை நன்மான் குழவி வளர்ப்பவர் போல, தலைவியைப் பாராட்டி வளர்க்க வேண்டும் – கலித்தொகை 50-21</ref> 
:வருடை கிளிகளை வெறுக்கும் <ref>நெடுவரை மிசையது குறுங்கால் வருடை தினைபாய் கிள்ளை வெறூஉம் - ஐங்குறுநூறு 287</ref> 
:வருடைக்குட்டியானது படுத்துறங்கும் பெண்யானை மேல் ஏறி விளையாடும் <ref>இரும்பிடி … வருடை மடமறி ஊர்விடைத் துஞ்சும் – கலித்தொகை 50-4</ref> 
:வருடை தண்டாரணிய நிலப்பகுதியிலும், நன்னன் நாட்டு மலைப்பகுதிகளிலும் மிகுதியாக வாழ்ந்தன. <ref>தண்டாரணியத்துப் பற்றுக்கோட்பட்ட வருடையைத் தொண்டியுள் தந்து கொடுப்பித்து - பதிற்றுப்பத்து பதிகம் 6</ref> 
:வரைவாழ் வருடை, நன்னன் மலையில் காணப்பட்டதாகக் குறிப்பிடப்பட்டுள்ள 12 விலங்கினத்தில் ஒன்று,<ref> மலைபடுகடாம் 503</ref>
===== மலைபடுகடாம் நன்னன் மலைநாட்டில் வாழ்ந்த 12 விலங்கினம் =====
# ஆமான் – மடநடை போடும்
# உடும்பு – அரக்கு போல் பிடி விடாத்து
# உழுவை – அளைக்குகைகளில் வாழ்வது
# கரடிக்குட்டி, எண்குக் குருளை – குடா அடி கொண்டது, ஊமை
# கழுகு – பாம்பைக் கொன்று உண்ணும் தீர்வை
# கானக்கோழி – (விட்டிசை போல்) கவர்குரல் எழுப்பும்
# தகர் – வலிமையான தலை கொண்ட ஆடு
# புலி, - கவர்பரிக் கொடுந்தாள்
# மஞ்ஞை – மலைக்கு அழகு தரும் மயில்
# மரையான் குழவி – பெரிய காதுகளைக் கொண்டது
# யானக்குட்டி - கயமுனிக் குழவி
# வருடை, - வரையில் வாழ்வன

வருடையை ஒப்புமையால் மேழ-ஓரை (மேஷ ராசி) என்று கூறி நாள் குறிக்கின்றனர். <ref>வருடையைப் படிமகன் வாய்ப்பு - பரிபாடல் 11-5</ref> 
வருடையைச் சரபம் என்னும் எட்டுக்கால் விலங்கு என்பது புராணச் செய்தி.
==அடிக்குறிப்பு==
{{Reflist}}

[[பகுப்பு:சங்க காலச் சமூகம்]]

வருடை - திருத்த வரலாறு

01:33, 13 நவம்பர் 2013 இல் imported>Sengai Podhuvan