imported>S. ArunachalamBot: /* இளமை */ clean up, replaced: அவரது தந்தை → அவரின் தந்தை using AWB

2026-02-05T07:16:23Z

இளமை: clean up, replaced: அவரது தந்தை → அவரின் தந்தை using AWB

புதிய பக்கம்

{{Infobox President
| name = வீ கிம் வீ
| image =
| imagesize = 122 px
| order = சிங்கப்பூரின் நான்காவது அதிபர்
| term_start = 2 செப்டம்பர் 1985
| term_end = 1 செப்டம்பர் 1993
| nationality = சிங்கப்பூரர்
| primeminister = [[லீ குவான் யூ]] (1959-1990)<br>[[கோ சோ தோங்கு]] (1990-2004)
| predecessor = [[தேவன் நாயர்]]
| successor = [[ஓங்கு தெங்கு சியாங்கு]]
| birth_date = {{birth date|1915|11|4}}
| birth_place = [[சிங்கப்பூர்]]
| death_date = {{death date and age|2005|5|2|1915|11|4|df=yes}}
| death_place = சிகுலப், சிங்கப்பூர்
|restingplace = மண்டாய் மாடம்
|restingplacecoordinates =
| spouse = கோ சோக் இயாங்கு
|alma_mater = ஔட்டுரம் பள்ளி
| occupation = [[இதழாளர்]]; [[தூதர்]]; [[அரசியலாளர்]]
| religion = [[பௌத்தம்]]
| signature =
| footnotes =
}}

'''வீ கிம் வீ''' (Wee Kim Wee, 4 நவம்பர் 1915 – 2 மே 2005), சிங்கப்பூரின் நான்காவது அதிபராக 1985 முதல் 1993 வரை பதவி வகித்தவர். குடும்ப வறுமை காரணமாக படிப்பை பாதியிலேயே விட்டு பின்னர் பெருமைக்குரிய முனைவர் பட்டம் பெற்றவர். சிங்கப்பூரர்களால் 'மக்கள் அதிபர்' என்று அன்போடு அழைக்கப்பட்டவர்.<ref>http://urssimbu.blogspot.com/2011/11/dr-wee-kim-wee-historical-legends.html#ixzz222DrtJs1</ref>

== இளமை ==
1915ஆம் ஆண்டு நவம்பர் நான்காம் தேதி. சிங்கப்பூரில் ஒரு சராசரி குடும்பத்தில் நான்காவதும் கடைசிப் பிள்ளையுமாகp பிறந்தார் கிம் வீ. இவரின் தந்தை பெயர் வீ சூங் லாய் (Wee Choong Lay) ஓர் அலுவலகப்பணியாளர். தாயார் சூ லாய் ஹூ (Chua Lay Hua). மிக எளிமையான சூழலில் வறுமையில் வளர்ந்த வீ தனது தொடக்கக் கல்வியை 'பெர்ல்ஸ் ஹில்' தொடக்கப்பள்ளியில் பயின்றார். அவருக்கு எட்டு வயதானபோது அவரின் தந்தை [[தொண்டைப் புற்று நோய்|தொண்டைப் புற்று நோயால்]] காலமானார். மிகுந்த இன்னல்களுக்கிடையே ராஃபிள்ஸ் கல்விக் கழகத்தில் உயர்நிலை படிப்பை மேற்கொண்டார். ஆனால் குடும்ப வறுமை காரணமாக இரண்டு ஆண்டுகள் மட்டுமே தனது கல்வியைத் தொடர முடிந்தது. வீ கிம் வீ 1936 ஆம் ஆண்டு கோ சாக் இயாங்கு என்பவரை மணந்து கொண்டார். அவர்களுக்கு ஒரு ஆண், ஆறு பெண்கள் என ஏழு பிள்ளைகள் பிறந்தனர்.

== பணிகள் ==
1930 ஆம் ஆண்டில் அவர் ''ஸ்ட்ரெயிட்ஸ் டைம்ஸ்'' இதழில் அலுவலக உதவியாளராகவும் பின்னர் கடுமையாக உழைத்து விளம்பரப் பிரிவில் சேர்ந்தார். பின்னர் நிருபராகப் பதவி உயர்வு கிட்டியது. 1941இல் அவர் 'யுனைட்டேட் பிரஸ் அசோஸியேஷன் (யு. பி .ஏ)' எனப்படும் அமெரிக்க செய்தி நிறுவனத்தில் சேர்ந்தார். சப்பானிய ஆட்சிக் காலத்தின் போது அந்த வேலையை அவரால் தொடர முடியவில்லை. சப்பானிய இராணுவ அமைப்பில் எழுத்தராக வேலை செய்தார். 1945ஆம் ஆண்டு சப்பானிய ஆட்சியில் இருந்து சிங்கப்பூர் விடுபட்டபோது அவர் மீண்டும் யுனைட்டேட் பிரஸ் அசோஸியேஷனில் சேர்ந்தார். அதில் நல்ல இதழியல் அறிவு கிடைத்ததால் மீண்டும் 1959ஆம் ஆண்டில் ஸ்ட்ரெயிட்ஸ் டைம்ஸில் சேர்ந்தார். இம்முறை அவருக்கு உதவி ஆசிரியர் பணி கிடைத்தது.<ref>{{Cite web |url=http://ourstory.asia1.com.sg/merger/headline/mpeace.html |title=காப்பகப்படுத்தப்பட்ட நகல் |access-date=2012-07-29 |archive-date=2016-03-03 |archive-url=https://web.archive.org/web/20160303231040/http://ourstory.asia1.com.sg/merger/headline/mpeace.html |url-status=dead }}</ref>.

அந்தக் காலகட்டத்தில் ஒரு நிருபராக இருந்து பல முக்கிய நிகழ்வுகளை சிங்கப்பூரர்களுக்கு கொண்டு வரும் வாய்ப்பு அவருக்குக் கிட்டியது. குறிப்பாக, 1966ஆம் ஆண்டு [[இந்தோனோசியா]]வுக்கும் [[மலேசியா]]வுக்கும் இடையே நிலவிய பதற்றமான அரசியல் சூழ்நிலையின் போது துணிவுடன் சகார்தாவுக்கு சென்று இந்தோனோசியாவின் முன்னாள் அதிபர் [[சுகார்ட்டோ|சுகார்த்தோ]]வை நேரடியாகப் பேட்டி கண்டார். அடுத்த நாளே மூன்றாண்டு பதற்றத்தை முடிவுக்கு கொண்டு வர இந்தோனோசியா விரும்புகிறது என்ற தலைப்புச் செய்தியை உலகுக்குத் தந்தார்.

1973 ஆம் ஆண்டு வீ கிம் வீ பதவி ஓய்வு பெற இரண்டு ஆண்டுகளே இருந்தபோது அவரை மலேசியாவிற்கான தூதராக நியமித்தது சிங்கப்பூர் அரசாங்கம். மூன்று ஆண்டுகள் மட்டுமே நீடிக்க வேண்டிய அந்த பதவியில் வீ ஏழு ஆண்டுகள் நீடித்தார். அந்த ஏழு ஆண்டுகளில் இணக்கமான சிங்கப்பூர், மலேசிய உறவுகளுக்கு நல்ல அடித்தளம் அமைத்துக் கொடுத்தார்.

அந்தப்பணி முடிந்து 1980 ஆம் ஆண்டில் சப்பானுக்கான தூதராகவும், அதற்கு அடுத்த ஆண்டு கூடுதலாக கொரியாவுக்கான தூதராகவும் நியமிக்கப்பட்டார். அவருடைய தூதுப் பணி 1984ல் முடிவடைந்ததும் முன்னைய சிங்கப்பூர் ஒளிபரப்புக் கழகத்தின் தலைவராக நியமிக்கப்பட்டார். 1985 ஆகஸ்ட் 30ந்தேதி, சிங்கப்பூரின் நான்காவது அதிபராக நாடாளுமன்றம் அவரை தேர்ந்தெடுத்தது.

== மேற்கோள்கள் ==
{{Reflist}}

==வெளி இணைப்புகள்==
{{சிங்கப்பூர் அதிபர்கள்}}
{{Authority control}}

[[பகுப்பு:சிங்கப்பூர் அரசியல் தலைவர்கள்]]
[[பகுப்பு:சிங்கப்பூரின் குடியரசுத் தலைவர்கள்]]
[[பகுப்பு:சிங்கப்பூர் அரசு]]
[[பகுப்பு:1915 பிறப்புகள்]]
[[பகுப்பு:2005 இறப்புகள்]]

வீ கிம் வீ - திருத்த வரலாறு

imported>S. ArunachalamBot: /* இளமை */ clean up, replaced: அவரது தந்தை → அவரின் தந்தை using AWB